RECANTEIROS
Psicoloxía

Aprende a desenvolverte no escenario coma se estiveses na túa propia casa.

Benvidos Recanteiros

Co obxectivo de axudarte da forma máis personalizada posible diseñamos este taller para ti, no que aprenderás a manexarte no escenario da mellor forma posible e poder xestionar as túas emocións durante a actuación.

Que ides conseguir neste taller

Reducir ansiedade

Os nervios xogan malas pasadas e non só no escenario. Moitas veces atácannos momentos previos á actuación e incluso días antes. Por sorte, podemos dotarte de recursos que permiten reducila a mínimos manexables.

Aprender máis e mellor

Unha das demandas do concurso será preparar temas fóra da vosa zona de confort. Pode ser unha tarefa complicada que, xunto á presión, pode ocasionar erros na execución. Ensinarémosche técnicas de aprendizaxe e a traballar baixo presión.

Lidiar coa crítica

Ninguén nace preparado para recibir críticas, e menos diante de miles de persoas. Aínda así, ensinarémosche cómo recibilas e, sobre todo, cómo contestalas e asimilalas.

Tendes algunha dúbida?

Seguro que hai moitas cousas que queres preguntar sobre os talleres. Para facilitarche a resposta a algunhas das máis frecuentes, deixámoche a continuación a contestación a algunha delas.

En que consisten as sesións?

Todas as sesións constarán de dúas partes. Un bloque de contido teórico con nocións básicas sobre o tema que se traballe (por exemplo, ansiedade pre-actuación) e posteriormente actividades grupais para ensinar na práctica as técnicas que axudarán a dominar dito tema.

Que duración teñen?

Cada sesión terá unha duración de 1h, cunha frecuencia semanal.

Onde serán?

Levaranse a cabo no Hotel Congreso (ao lado de plató), nunha das súas salas de reunión. Haberá o suficiente espazo para manter as medidas de seguridade.

Cando as poderei reservar?

O programa piloto está pensado para grupos e constará de 4 sesións que terán lugar as tardes dos venres, entre as 16.00h e as 20.00h. Unha vez finalizado o periodo piloto, no caso de que o plantexamento fose exitoso, valorarase a súa continuación para o comezo das fases eliminatorias.

Instance 1